Nojoto: Largest Storytelling Platform
Download Nojoto

Install App Get upto ₹ 100 Cash

jitendriyaoka1434
  • 74Stories
  • 13Followers
  • 963Love
    4.9KViews

जितू

  • Popular
  • Latest
  • Video
4083a8f33411ad1058eaabd8950963c1

जितू

White असे ही चूक माझी की तुझ्यावर प्रेम मी केले तुझ्या प्रेमात खोट्या ठार होते आंधळी झाले तुझ्या जाळ्यात प्रेमाच्या पुरी मी अडकले होते दगा देशील तू स्वप्नात ही ना वाटले होते शपथ मी वाहिली होती तुला रे साथ देण्याची किती मी पाहिली स्वप्ने सुखी संसार करण्याची खऱे मी प्रेम केले पण तुला कळलेच ते नाही मला फसवून जाताना तुला ना वाटले काही मनावर घाव झालेला कसा शब्दात सांगावा कसा विश्वास कोणावर पुन्हा मी सांग ठेवावा जरी मी यत्न हा करते जुने विसरून जाण्याचा मला जाईल अवघड तोडणे तो बंध प्रेमाचा परी विसरेन मी नक्कीच आता मागचे सारे नको काहीच खोटे या मनाला त्रास देणारे पुन्हा सुरुवात हो करणार आता मीच सगळ्याची नवी शोधून दुसरी वाट मी चालेन जगण्याची ©जितू #sad_shayari

#sad_shayari #Poetry

4083a8f33411ad1058eaabd8950963c1

जितू

घेईन रजा गावाला जाण्यासाठी परतून जुन्या त्या क्षणांत रमण्यासाठी मी गावाला जाईन खूप काळाने भेटेन वृद्ध आजीस तिथे प्रेमाने काढेल दृष्ट ती थरथरत्या हाताने घेईल जवळ ती मला खूप प्रेमाने वाढेल करून मग गरम भाकरी भाजी देईल छानशी फळे खायला ताजी फिरण्यास जरा जाईन नदीच्या काठी धावेन पुन्हा मी गुरावासरां पाठी पाहीन रांग ती पक्ष्यांची उडताना ते सूर्यबिंब मावळतीला झुकताना स्मरतील खुणा मग बालपणीच्या न्याऱ्या करतील मनाला आनंदित त्या साऱ्या जाईल मनाची निघून मरगळ सारी लाभेल मनाला माझ्या नवी उभारी ©जितू #SunSet

#SunSet #Poetry

4083a8f33411ad1058eaabd8950963c1

जितू

White माणूस एवढा क्रूर कशाने होतो आपल्या कृतीने पशूसही लाजवतो संताप द्वेष वासना अनावर होते वासनेपुढे मग भान कशाचे नसते कळतात बातम्या रोज नव्या घटनेच्या तोडतात साऱ्या सीमा माणुसकीच्या सैतानी वृत्ती जणू मनी संचरते स्त्री मोठी अथवा बळी चिमुरडी पडते अधमांना ऐशा कठोर शिक्षा द्यावी जाणीव चुकीची क्षणाक्षणाला व्हावी स्त्री म्हणजे केवळ शरीर ऐसे नाही स्त्री म्हणजे उपभोगाची वस्तू नाही थांबवा प्रदर्शन सतत तिच्या देहाचे शोधावे मिळुनी समाधान प्रश्नाचे सर्व स्तरांवर याविषयी चर्चा व्हावी थांबवण्या घटना ठोस योजना व्हावी ©जितू #sad_shayari

#sad_shayari #Poetry

4083a8f33411ad1058eaabd8950963c1

जितू

White ही भारतभूमी असे आपली माता मन हर्षित होते गीत तिचे हो गाता हे भाग्य आपले जन्म मिळाला येथे नांदले देव अवतार घेउनी जेथे अवतरले होते येथे राघव सीता पार्थास सांगती येथे माधव गीता जाहले इथे जे संत महात्मे ज्ञानी जगतास चांगला मार्ग दाविला त्यांनी वाहतात येथे गोदा गंगा यमुना धावतात साऱ्या सुपीक भूमी करण्या तीरावर त्यांच्या पीक डोलते छान देतात नद्यांना आईचा हो मान बोलतात सारे जरी वेगळ्या भाषा नांदते तरीही मनात एकच आशा असतात जरीही भिन्न भिन्न ते वेष जाणतो तरीही एक आमचा देश ©जितू #happy_independence_day

#happy_independence_day #Poetry

4083a8f33411ad1058eaabd8950963c1

जितू

श्रीवल्लभा दत्तराया समर्था मनापासुनी मी तुला वंदितो सेवा घडावी तुझ्या पावलांची असा भाव भोळा मनी दाटतो डोळ्यांपुढे साजिरी ती दिसावी मला दत्त मूर्ती सदा सर्वदा मूर्ती तुझी दिव्य पाहून माझ्या मना शांतता खूप लाभो सदा किर्ती जिच्या थोर पातिव्रत्याची त्रिखंडात साऱ्या असे गाजली आले त्रिमूर्ती यतीवेषधारी परीक्षा तपाची तिच्या पाहिली केले तपाच्या बळे बाळ त्यांना यथायोग्य भिक्षा तिने घातली एकत्र होऊन शक्ती तिघांची तुझ्या दिव्य रूपात साकारली पायी खडावा जटाभार माथी शिरे तीन बाहू सहा शोभती कांती तुझी दिव्य वात्सल्य मूर्ती तुझी पाहता भक्त आनंदती संकेतमात्रे तुझ्या विश्व चाले त्रिखंडात सत्ता तुझी चालते सांभाळिशी तू तुझ्या साधकांना जशी लेकरा माय सांभाळते लागो मनाला तुझा ध्यास ऐसा तुझे नाम घ्यावे सदा सर्वदा राहो तुझा हात डोईवरी या घडो चांगले वा असो आपदा लागो न वारा अहंकार रूपी तुझ्या नाममात्रे कधीही मना राहो मनी नेहमी प्रेम भक्ती तुला दत्तराया असे प्रार्थना ©जितू #election_2024

#election_2024 #Poetry

4083a8f33411ad1058eaabd8950963c1

जितू

एकदा करीन | पंढरीची वारी राम कृष्ण हरी || मुखी माझ्या विटेवरी उभा | भक्तांचा कैवारी कर कटेवरी || ठेवोनिया मृदुंगाची गोडी | अंतरी लागते रिंगणी नाचते || विणा माझी विठू माझा बाप | माय रखुमाई डोळ्यातून वाही || चंद्रभागा पायरीत मिळे | मनाला विसावा घडो तुझी सेवा || पांडुरंगा रात्र अन् दिस | भक्ती तुझी केली चरणी ठेवली || काया माझी ✍🏻 सौ. संध्या भूपेंद्र पोटफोडे ©जितू

#Poetry

4083a8f33411ad1058eaabd8950963c1

जितू

स्थिती वाईट झालेली असे हो आज किल्ल्यांची जिथे आहेत पडली पाउले प्रत्यक्ष शिवबांची चिरा प्रत्येक इथला ओरडूनी सांगतो आहे जरा देऊन ऐका कान जे तो बोलतो आहे नका येऊ कुणी फिरण्यास केवळ मौज करण्याला असे इतिहास जो घडला इथे जाणून घ्या त्याला नका भांडू तुम्ही जातीवरूनी एकमेकांशी खरे शिवभक्त जे ना शोभते हे वागणे त्यांसी किती हा टाकता कचरा तुम्ही किल्ल्यांवरी येथे पहा हे ढीग प्लास्टिकचे किती जमतात हो येथे पिती दारू इथे येऊन ही नतद्रष्ट ते काही कशी ना वाटले त्यांच्या मनाला लाज थोडीही नका वागू असे रे घाण ही टाकू नका येथे असे त्या मावळ्यांनी रक्त त्यांचे सांडले जेथे अरे राखा तुम्ही पावित्र्य या गडकोट किल्ल्यांचे जरा समजून घ्या हे दुर्ग होते प्राण राज्याचे खुणा दिसतील येथे वैभवाच्या थोर त्यागाच्या कथा सांगेल माती नीट ऐका वीर योद्ध्यांच्या कथा ऐका तुम्ही समजून घ्या इतिहास हा त्यांचा असे एकत्र या ठेवा तुम्ही आदर्श राजांचा ©जितू

#Poetry

4083a8f33411ad1058eaabd8950963c1

जितू

वेळ असे का कुणाकडे ऐकुन घेण्यासाठी आजकाल मी सतत राहतो सगळ्यांच्या हाती साऱ्यांना मी हवाहवासा सारे वापरता माझ्यावर अवलंबून तुम्ही बऱ्याचदा असता कोणी म्हणता वाट लावली सगळ्यांची मीच मला सारखे घेऊन बसता तरी सदोदित झोप येतसे डोळ्यांवरती तरी मला बघता खेळ खेळता सतत कुणी ते संभाषण करता नसे मला कुठलीच भावना भली बुरी काही तुम्ही मला जे काम सांगता करीत मी राही करता वापर तुम्हीच माझा अनिर्बंध आता आणि तरीही मला सारखा दोष तुम्ही देता तारतम्य बाळगा वापरा मला संयमाने खूप त्रास होईल तुम्हाला अती वापराने तंत्र यंत्र हे कामासाठी जरुर वापरावे त्याच्यामध्ये उगाच इतके अडकुन का जावे मीच सांगतो वापर माझा जपुन करा थोडा तुटलेला संवाद वाढवा माणसांस जोडा शिका कराया वापर माझा जरा संयमाने समोर भेटा बोला जोडा नाती प्रेमाने ©जितू

#Poetry

4083a8f33411ad1058eaabd8950963c1

जितू

देशाच्या स्वातंत्र्यासाठी केलेल्या कार्याची विनायकाला शिक्षा झाली दोन जन्मठेपेची जहाजामधे कोंबुन झाली पाठवणी कैद्यांची अंदमानचे कारागृह हे गुहाच ती मृत्यूची जेलर तिथला बारी नामक महाभयंकर होता मनात नव्हते स्थान दयेला स्वभाव खुनशी होता काळकोठडी अशी जिथे ना प्रकाश वारा पुरता खराब किडके अन्न असे कैद्यांना खाण्याकरता छिलके कुटणे वळणे दोऱ्या शिक्षा कैद्यांसाठी गुरांपरी घाण्यास जुंपती तेल काढण्यासाठी कैदी कोणी काम न करता फटके पडती त्याला बेड्यांमध्ये शरीर जखडुन उभे ठेवती त्याला पाण्याच्या विहिरींमध्ये तुकडा टाकुनि पावाचा पिता कुणी ते त्यास सांगती धर्म भ्रष्टला त्याचा विनायकाने बंद पाडले प्रकार सगळे असले धर्म असा ना भ्रष्ट होत हे पटवुन त्यांना दिधले विनायकाच्या ठायी उत्तम लेखन प्रतिभा होती कोठडीत ही सुंदर कविता लिहिल्या भिंतीवरती कैद्यांमध्ये फार विनायक प्रिय सर्वांना झाला पाहुनिया हे जेलर बारी खजिल शेवटी झाला ©जितू

#Poetry

4083a8f33411ad1058eaabd8950963c1

जितू

दारात आजही सडा फुलांचा पडतो सोहळा नव्याने आठवणींचा घडतो ती पहिल्यांदा या घरात आली जेव्हा लावले तिने हे झाड फुलांचे तेव्हा मोगरा पाहता खुशित यायची स्वारी आवडे तिला या गंध फुलांचा भारी मी आजही जेव्हा सडा फुलांचा बघतो चेहरा तिचा मज फुलात साऱ्या दिसतो केसात माळता तिने फुलांचा गजरा यायचा आमच्या गंध घराला हसरा मज दिसायची ती वनदेवीच्या वाणी द्यायची रोज झाडास सकाळी पाणी ती गेली त्याला वर्षे काही झाली या घरास अवघ्या कळा उतरती आली पण बहर फुलांचा तसाच अजुनी आहे का गंध फुलांचा तिला शोधतो आहे ©जितू

#Poetry

loader
Home
Explore
Events
Notification
Profile