Best radhamanohar Shayari, Status, Quotes, Stories
Find the Best radhamanohar Shayari, Status, Quotes from top creators only on Nojoto App. Also find trending photos & videos aboutradha krishna images with quotes in hindi, radha and krishna love photos hot, radha krishna love story in hindi language, lord krishna and radha love images, radha krishna love quotes in english,
- 1 Followers
- 41 Stories
Jitendra Singh
प्यारौ प्यारौ पीत पट श्याम कौ सुहानों लगै,प्यारीजू को पटका सुहावत महीन सौ। राधाजू चतुर पायल की खनकान में औ, मोहन मुरलिया बजान में प्रवीन सौ। अधम उधारन है दोनों कौ चरित याऐ,सुनिकें सरन आयौ 'परेशान' दीन सौ। भरी है मिठास राधिकाजू के सरूप में औ',श्याम कौ सरूप चटखारौ नमकीन सौ। ✍️परेशान✍️ ©Jitendra Singh #RADHAMADHAV #RADHAMANOHAR #RADHAKRISHN #RADHASHYAM #RADHAMOHAN
Jitendra Singh
बैठी हैं किशोरी प्यारी वयस की थोरी मति भोरी नन्दनन्दन के सामने लजानी सी। बैठ्यौ नखरारौ प्यारौ तीखे नैंन नक्श वारौ मतवारौ साँवरौ करत मनमानी सी। अधखुले नैंन, निकसत नहीं बैंन अब, परत न चैन ऐसी राधिका लुभानी सी। दोऊ आय बसे मेरे 'परेशान' मन माँहिं,एक प्रेम ख़्वाब दूजी प्रीत की कहानी सी।। ✍️परेशान✍️ ©Jitendra Singh #RADHAMANOHAR #RADHAMADHAW #RADHASHYAM #RADHAKRISHN #KISHORISHYAM
Jitendra Singh
मोरपंख धार, कर मुरली सम्हार, कर रहे मनुहार, बैठे राधिका सों घनश्याम। तीखी चितवन सोहैं जादू सी करत प्यारी,चंचल चपल तेरे नैन दोऊ अभिराम। करै 'परेशान' प्यारे रूप की लखान यासों, पाइबे कूँ त्रान कियौ चरन शरन धाम। तेरी हूँ अराधिका,कहत ऐसें राधिका हू,मीठी लगै तेरी अँखियान की लुनाई श्याम।। ✍️परेशान✍️ ©Jitendra Singh #radhakrishn #radhamadhav #radheshyam #radhamanohar #kishorishyam
Jitendra Singh
तेरौ प्रेम-पाश रहै सदा आसपास चाहूँ, चाहति नहीं हूँ होऊँ नेंक मशहूर मैं। कहत दुलारी वृषभानु की कनाईं से यों सुनि मीठी तान भई हाज़िर हजूर मैं। छोड़ि लोकलाज सुखसाज ब्रजराज आयी तेरे पहँ आज हुई ऐसी मजबूर मैं।। देखत सरूप वाह! कहै परेशान आह! याही तौ लुभानी छवि पै हूँ मगरूर मैं।। ✍️परेशान✍️ ©Jitendra Singh #radhamadhav #radhamanohar #radhakrishn #kishorishyam
Jitendra Singh
बैठी राधारानी,मनमोहन दीवानी,अति भारी सकुचानी,कछु मुख सों ना बोलती। नीचे करि नैंन, छीन मोहन कौ चैन,औ,'चलाय तीखे सैंन मीठौ नेह रस घोलती। श्यामहिं चिढ़ाय,बार-बार मुसकाय,श्याम रूप मन लाय,नेह थाह कूँ टटोलती। मन में हरस, प्यारी बाँसुरी परस, धुन सुनिकें सरस, अँखियान नहीं खोलती।। ✍परेशान✍ ©Jitendra Singh #radhamadhav #radhamanohar #radheshyam #radhakrishn #radhikamanohar Mukesh Rawat Ganpat Baghel Bhilala Chaudhary Sr Chaudhary Anika Bhardwaj AMIT GURJAR
#radhamadhav #radhamanohar #radheshyam #radhakrishn #radhikamanohar Mukesh Rawat Ganpat Baghel Bhilala Chaudhary Sr Chaudhary Anika Bhardwaj AMIT GURJAR
read more
Jitendra Singh
कनक बरन के बसन हैं किशोरीजी के, पीरौ पीरौ बसन सुहात घनश्याम कौ। श्यामल किनारी की अपार शोभा राधिका पै,और इत गेरुआ वसन सोहै श्याम कौ। कीरतकुमारी ! तू है जबते निहारी मन चातक बन्यौ है तेरे रूप अभिराम कौ। सोहन से मोहन अबेर मग जोहन सों, मन 'परेशान' तेरे नेह के गुलाम कौ।। ✍परेशान✍ ©Jitendra Singh #radheshyam #radhamadhav #radhakrishn #radhamanohar #kishorishyam Dharmendra Singh Sandeep Kumar Anika Bhardwaj AMIT GURJAR Priti Ravi
#radheshyam #radhamadhav #radhakrishn #radhamanohar #kishorishyam Dharmendra Singh Sandeep Kumar Anika Bhardwaj AMIT GURJAR Priti Ravi
read more
Jitendra Singh
कितनी अनूप औ 'सुहावनी लगत बैठी, राधिकामनोहर जुगल जोरी अभिराम। नन्दजू को परताप प्यारे मनमोहन हैं, राधा वृषभानजी के तप कौ हैं परिनाम। नैंनन सों छिनक बिसारी नहीं जाय ऐसी,राधिका कनाईं की सुहात छवि गौरश्याम। 'परेशान' मन में समाये हैं सुहाने दोनूँ,गोरी गोरी राधिका औ'साँवरे सलौने श्याम।। ✍परेशान✍ ©Jitendra Singh #radheshyam #radhakrishn #radhamadhav #kishorishyam #radhamanohar sad boy S k pareek Ram sevak Kashi Tulsi Ram Yadaw
#radheshyam #radhakrishn #radhamadhav #kishorishyam #radhamanohar sad boy S k pareek Ram sevak Kashi Tulsi Ram Yadaw
read more
Jitendra Singh
तेरे सरनाम तेरे नेह कौ गुलाम राधे, तेरे पहिं आयौ तोयै परूँगौ सँवारनों। अति मन भावै,नेह रस बरसावै प्यारी,प्यारौ प्यारौ तेरौ कनखीन सों निहारनों। बनों पतवार,आय लीजियों सँभार,मैं हूँ आसरे तुम्हार,नेह सिंधु सों उतारनों। रूप छविमान,बस्यौ मेरे हिय आन,जासों होय 'परेशान' पर्यौ तोपै मन वारनों।। ✍परेशान✍ ©Jitendra Singh #radhakrishn #radheshyam #radhamadhav #kishorishyam #radhamanohar md mujammil Anika Bhardwaj Nitin Chauhan Chaudhary Sr Chaudhary Tulsi Ram Yadaw
#radhakrishn #radheshyam #radhamadhav #kishorishyam #radhamanohar md mujammil Anika Bhardwaj Nitin Chauhan Chaudhary Sr Chaudhary Tulsi Ram Yadaw
read more
Jitendra Singh
कहत किशोरीजी लजानी मनमोहन सों, साँवरे सलौने तेरे रूप नें रिझाई मैं। लीलाकेलि याद करि करि कें निराली तेरी,मेरे मन माँहीं जानें कितनी सिहाई मैं। तेरे आगें जग माँहीं कछु ना लखावै अब, तेरी मुसकान नें हूँ ऐसी भरमाई मैं। जाय ना उचारी,मैं तौ भयी हूँ बिचारी,मेरी,गई मति मारी तेरी बातन में आई मैं।। ✍परेशान✍ ©Jitendra Singh #radhamadhav #radheshyam #radhakrishn #radhamanohar #kishorishyam maya kumawat Abdullah Qureshi Akash shukla Bilal Ray Tulsi Ram Yadaw
#radhamadhav #radheshyam #radhakrishn #radhamanohar #kishorishyam maya kumawat Abdullah Qureshi Akash shukla Bilal Ray Tulsi Ram Yadaw
read more
Jitendra Singh
आजु मनमोहन रिझावत किशोरीजी कूँ,दिखलाय दिखलाय प्यारे प्यारे करतब। नैंनन सों,बैंनन सों,तीखे तीखे सैंनन सों,करत किशोरीजी के समुख निराले ढब। करूँगी शिकायत,शरारत बढ़ीं हैं तेरी, राधा कहै श्याम सों बताय सुधरैगौ कब। भयी 'परेशान' तोसों मदनमुरारी सुनि, तेरी चतुराई यहाँ नेकु ना चलैगी अब।। ✍परेशान✍ ©Jitendra Singh #radhamadhav #radheshyam #radhamanohar #radhakrishn #kishorishyam Anika Bhardwaj md mujammil Aarchi Advani Saini Akash shukla RAHUL Nitin GUPTA
#radhamadhav #radheshyam #radhamanohar #radhakrishn #kishorishyam Anika Bhardwaj md mujammil Aarchi Advani Saini Akash shukla RAHUL Nitin GUPTA
read more
