नखराळी बूंदी म्हांकी बूंदी आपणी बूंदी हाड़ौती |

नखराळी बूंदी म्हांकी बूंदी आपणी बूंदी हाड़ौती की स्यान छै हाड़ावां को मान छै हाड़ी राणी जनमीं जठै व्हां धरा महान छै लोक लुभाणी मन नें भाणी ईं को न कोंईं भाया साणी .. नखराळी .. अरावली आडावळ उबी मनमोवणी छँटा छै खूबी तारागढ़ को ताज संजोया नौ लक्खा तळाव छै म्हांया बावड्याँ को सहर छै लूंठो वीर धरा को गा'डै खूंठो बावड़ी राणी मीठो पाणी जीं की कांईं क्हैवां ख्याणी नखराळी .. रूप रूपाळा भीत पै चितराम चौरासी थंबा छतरी को नाम सुरजन हाड़ा बीर की धरती सूरजमल की कलम विचरती चांबल पाणी हाड़ी राणी दुन्यां संदी, संदी जाणी जुद्धां मं जो काम जो आया बहादुरी ईनाम पाया रंगनाथ नं पूजबा वाळा मातभूम का छै रखवाळा चौथ भवानी बीजासण राणी बूंदी भारत की पटराणी नखराळी .. ©Dilip Singh Harpreet #राजस्थानी #राजस्थान #म्हारो_राजस्थान #राजस्थान #मायड़भासा #दिलीप_सिंह_हरप्रीत #Nojoto #RajasthanDiwas #RAJASTHANI